أبى أنت فين؟
أنت واحشني قوي...

واحشني حُضنك إللي نفسي أخده منك وأنت عارف أنا بخدة منك ليه. يا تري انت فين ..؟

أنا مش حاسس بوجودك... هو أنت اللي مش موجود ولا أنا أللي مش قادر أشوفك ولا أحس بوجودك في حياتي.؟

أنا في حياتي شخص بيدعي أنه ابويا ... بس انا مش قادر أصدقه لإنه مش عارف اي حاجة عن حياتي. وميعرفش إني مثلي. يا تري يا بويا لو عرفت اني مثلي هتعمل إيه!!!؟

ياتري هتبعد عني وتدور وشك الناحية التانية وتتبري مني وتتمني اني أخرج من حياتك وتندم علي اليوم اللي أنا جيت فيه للدنيا.؟

ولا تقولي لا أنا لإنت في البيت ده وده أخر يوم ليك فيه.؟

ولا يمكن تقبلني وتقول عوضي علي الله فيك؟

وتفضل تزلني في الراحة والجاية وتحسسني اني انسان فاشل ومليش لزمة ومش قد المسؤليه؟

بس العيب عليك؟

لإنك مكنتش قريب مني وعمرك ما هتكون قريب مني ، لإنك دايما محسسني أني مش مهم، ودايما تبصلي من بعيد لبعيد وتكتفي بإنك تعرف إني لسة ما دمت علي قيد الحياة.

تفتكر يا والدي هل ده هو بس اللي انا عايزة منك! أنك تكتفي انك تعرف إني لسة حي؟
طيب مش نفسك تعرف أنا ليه مضايف وليه مخنوق ولا ده مش مهم.

يمكن لو جيتلي في مره وطلبت مني أترمي في حضنك كانت كل حاجة أتغيرت. لكن أنت عمرك ما طلبتها ... انا خايف... خايف أقولك إني مثلي فأنزل من نظرك ... وبعد كده حتي متحاولش تعرف اذا انا كنت حي ولا ميت.

صدقني يا بويا ... انت واحشني قوي ...نفسي أتكلم معاك علي حريتي من غير قيود؟

من غير ما أحس إني مراقب منك ولا من الناس... نفسي تعرف ضعفي علشان تسندني لما أجي أغلط. انا نفسي أخرج من الظلمة اللي انا فيها ديه ومش عارف انا فيها ليه؟ نفسي أكون أنسان نظيف؟

إنسان حر. إنسان يحب ويتحب من الناس بطريقة حلوة من غير جنس.

طب ليه ؟؟؟

طيب ليه متقفش جنبي وتمسك بإيدي وتساعدني يمكن ده يغير جوايا الجزور الخفيه اللي كانت بتكبر جوايا وانا مش حاسس بيها لغاية ما ثبتتني في أرض المثلية بسلاسل من حديد.

نفسي أجيلك وأترمي في حضنك بس متضحكوش عليا انت وماما واخواتي. أنا فاكر يوم ما عملتها مره يمكن أيوه جذبت أنتابهكم لفتره لكن مع الوقت الأمر بقي في طي النسيان... لكن أنا مش ناسيه ونفسي أترمي في حضنك تاني. نفسي أقول للمثلية (لا) بصوت عالي وانا فعلاً حاسس اني ورايا ظهر يسندني وايد تمسكني.

انا مش هدور علي حُضن راجل يلمني .. عايز حضنك يا بويا يكون ليا مفتوح وفيه أترمي.

بس لو قفلت ذراعك وقولتلي بطل معيلة ياواد وأسترجل شوية.. تفتكر ايه اللي ممكن يحصل. بالنسابي انا هتجرح قوي وهكون مضطر للأسف ألبس قناع الرجولة ووراه هتكبر مثليتي.

أرجوك يابويا أظهر في حياتي محتاجلك محتاج أشوفك


رسالة من إبنك

منقول من ابن لأبيه

اختكم سلوى